සුන්දර නමුනුකුල 06°55′59″N 81°06′49″E

කදු මුදුන් නමයකින් සමන්විත බැවින් නමුනුකුල ලෙසින් හැදින්වෙන මෙය ශ්‍රි ලංකාවේ උස අතරින් 11 වැනි ස්ථානය ලබා ගනී.උසින් 2035 m(6677feet) වේ.
2007 දෙසැම්බර් 31 රෑ නව වසරක අසිරිය නමුනුකුල ගතකල අප යලිත් ඒ මිහිරිය සොයා යන්නට පුල පුලා බලා සිටියෙමු.වෙනදා මෙන් ඒ සදහා අපේ සෙට් එක ලකලැහැස්ති වීමු.2009 පෙබරවාරි 20 වන දින සවස 5ට පමණ මොර‍ටුව සරසවි බිමෙන් සමුගත් අපි කොලඹ කො‍ටුවට පැමිණ කල්තියාම මරදානෙට ලගා වුනේ සිකුරාදා දිනක අසුනක් සොයා ගැනීම අපහසු බැවිනි.රෑ 8ට කො‍ටුවෙන් පිටත්වීමට තිබූ බදුලු දුම්රිය වෙනදා මෙන් පැයක් ප්‍රමාද විය.ගියවර ‍රැගෙන ගිය 30kg පමණ බර ටෙන්ට් එක වෙනුවට 12kg පමණ බර ටෙන්ට් එක මහත් අස්වැසිල්ලක් විය.සීතල කදු අතරින් බදුලු කුමාරිය බදුල්ලට ළගා වන විට උදෑසන 9පමණ විය.උදෑසන ආහාරය සමග අවශ්‍ය කලමනා මිලදී ගත් අපි 11.20ට පමණ ස්ප්‍රින්වැලි බසයකට ගොඩ වීමු.
නමුනුකුල මුදුනට ළගා විය හැකි මාර්ග කිහිපයකි.පස්සර දෙසින්ද නැතිනම් 4WD වාහනයකින් මහියංගන පාරේ 3 කණුවෙන් හැරී දෙවනගල දක්වා පැමින ඉතිරිය පයින්ද, එසේත් නැතිනම් අභියෝගයට කැමති අයට ස්ප්‍රින්වැලි දෙසින්ද ලගා විය හැක.අපි 12.10ට පමන Kottegodde තේ ෆැක්ටරි එක ගාව බැස වමට තියෙන පාරෙන් ගමන පටන් ගත්තෙමු.




පරිසරයේ සොදුරු බව විදිමින් ගිය අප දෙවනගල ඇල්ල ලගට යනවිට 3පමන විය.එතන ලැයින් කාමර වලින් දිය පහස නිවාගත් අප ඉක්මනට තේ වතු පසුකරමින් වනාන්තරයට ඇතුලු වෙන තැනට පැමිණියෙමු.

සිරිත් විරිත් පරිදි කොල අත්තක් කඩා දේව රූපයට බාරවෙමින් විනාඩි 45ක් පමන වනාන්තරයේ ගමන් කල අප මුදුනට ලගා වන විට සවස 5 පසු විය.
මුදුනෙහි ළිදක් පැවතියද එය අපවිත්‍ර බැවින් දිය ගෙන ඒම පිණිස වෙනම මාර්ගයක යා යුතුය.අපි අපේ ටෙන්ට් එක අටවාගෙන ගිණි මැලයකින්ද සන්නද්ධ වීමු.වෙහෙසකර ගමනින් පසු අපි සකස් කල ආහාර අපට දිව්‍ය භෝජනය. ඒ සොදුරු රාත්‍රිය අපි එසේ ගෙවා දැම්මෙමු.උදෑසන හිරු උදාව මනරම්ය.එහෙත් එකවරම පැමිනි මීදුම් වලාව අපි එකිනෙකාට අපිව නොපෙනෙන තරම් ප්‍රභලය.

රාත්‍රි තැපැල් දුම්රියට ඕනෑ තරම් කල් වේලා ඇති බැවින් අතරමග කාලය රිසිසේ ගෙවා දැම්මෙමු.හැමදාම පමා වී බැණුම් අසනා යකඩ යකා අපගේ උදෑසන 8 ලෙච්චර් එකටද හරස් විය.සුන්දර නමුනුකුලට ආපසු යන්නට ඇත්නම්.......................